• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

HOST

Mahalagang maunawaan ng mga magulang ang katotohanan sa kasabihang “anumang ginagawa ng matatanda, sa mata ng bata ay palaging tama”. Ito ang episode ng Rated PG na pinamagatang “sinasalamin”. Magsisilbi itong paalala sa responsabilidad natin na maging modelo o huwaran sa ating mga anak sa mga ginagawa at sinasabi natin. Isang mahalagang tuntunin na dapat gampanan upang mapalaki natin sila bilang mabuting mamamayan at anak ng Diyos.

SONG 1         TANGLAWAN (Richard Reynoso)

HOST

Ito ang Rated PG, ang programang sadyang ginawa para makatuwang ng mga magulang sa mga usaping pampamilya mula sa gawain ng Church of the Nazarene.

Ang mga magulang ang nagsisilbing modelo sa kanilang mga anak. Mula sa simula ang mga magulang ang nakikita ng mga bata sa tahanan. Walang pinipiling edad ang pagiging huwaran sa ating mga anak. Mahalagang sa bawat salita ng paalala natin sa kanila ay may katumbas na halimbawa mula sa atin sa pamamagitan ng gawa.

PAMANA with Pastor Cryz Colorado (Being a Good Role Model)

Likas sa mga bata ang tumigin sa isang idolo o modelo! “Si papa at si mama yan ang idol ko!” Masayang marinig sa ating mga anak na mas pipiliin nilang maging idolo tayong mga magulang kaysa sa mga artista sa pelikula at telebisyon! Tandaan na tayong mga magulang ang palaging kasama ng ating mga anak kaya hindi natin maaalis sa kanila na palaging ituon ang kanilang mga mata sa atin! Nakikita nila ang ating mga kilos at naririnig nila ang ating bawat salita! At sa bawat ginagawa natin ay magsisilbing halimbawa na huhubog sa kanila. Sinabi ni Hesus na pagsikapan nating mag-ningning ang ating mga ilaw upang makita nila ang ating mga mabubuting gawa at pupurihin nila ang Diyos na nasa langit. Ang dapat maging malinaw at pinakamakapangyarihang sermon na dapat nating ipangaral sa kanila ay hindi pamalo at salita kundi ang ating mga buhay na halimbawa. Tandaan na ang ating halimbawa ay ang pinakamahalagang pamana na ating maibibigay sa ating mga anak!

HOST

Mga aspeto na dapat matututunan ng ating mga anak mula sa atin

• Pagmamano! Matatandang magulang! Ipakita ito sa ating mga anak
• Pamamaraan ng pagsasalita (please, thank you, excuse me, sorry, magandang gabi etc)
• Pananalangin ng buong pamilya (devotion)
• Pakikipag-uganayan sa ibang tao (white lies etc)

Huwag hayaang hanapin ng ating mga anak ang halimbawa sa iba na tayo ang dapat magbigay sa ating mga tahanan. Seryosong responsabilidad ang pagiging magulang. Mahalagang maging modelo natin ang Diyos upang tayo ay maging modelo din sa ating mga tahanan. Ang tagumpay ng pagiging magandang halimbawa natin sa ating mga anak ang pagkakaroon ng Hesus sa ating buhay at bahay.

SONG 2 IINGATAN KA (C Banawa)

HOST

PAYO NI DOC with Dra. Lyn Hipolito (Choosing the Right Doctor)

Napakahalaga ang pagpili ng doctor para sa atin at para sa buong pamilya kaya heto ang TIPS sa pagpili ng tamang doctor para sa ating pamilya!

• Communication
• Malawak ba ang kanyang kaalaman at alam niya ang kanyang ginagawa (Makakatulong kung malalaman natin kung siya ay certified o board passer)
• Respetado siya sa kanyang mga kapwa doctor
• Convenient ba sa atin ang location ng doctor
• Mga hospital kung saan siya accredited
• (Practice arraggement, ang nag-cocover sa kanya kung wala siya, convenient ba sa atin ang kanyang mga schedules.

SPOT

KAYANG-KAYA with Grace Tia

Mahalaga ang pera. Mayaman man o mahirap kailangan nito para matustusan ang pangangailangan. Kaya heto ang TIPS kung paano gamitin ng wasto ang ating mga pera.

• Magkaroon ng plano o budget kung paano gagamitin ang pera at sundin ito
• Maging masusi at maingat na mamimili (Huwag ugaliing gumamit ng credit card)
• Turuan po natin ang ating pamilya na magtipid (kuryente, tubig etc)
• Huwag ugaliing kumain sa labas at ng mga hindi masustansyiang pagkain (junk food)

Tandaang ang lahat ng ito biyaya ng Diyos kaya dapat na iniingatan at pinapangalagaan. Matinding disciplina ang kailangan para makapagtipid.

HOST

Mga magulang, maging seryoso tayo sa ating role bilang mga modelo sa mga anak natin.  Isipin natin kung anong klase ng tao magiging ang ating mga anak kung katulad natin sila.

Makipag-ugnayan kayo sa amin, kung meron kayong mga nais pang malaman, mga tanong o mga suggestions. Ipag-bigay alam nyo lamang po lahat ng ito sa amin.

EXTRO TAG