• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

Napakagandang pakahulugan para sa pagdiriwang natin ng Pasko ang isang pambatang awitin na paulit-ulit binabanggit ang mga katagang, “Christmas is a time for Love”. Isang patunay na “pag-ibig” ang isa sa mga salitang lumalabas kapag binibigyang kahulugan ang espesyal na araw na ito. Ito nga rin marahil ang dahilan kung bakit sa tuwing sasapit ang Pasko, mas nagiging mapagmahal at mapagbigay ang maraming tao. Tuklasin at unawain ang hiwagang dulot ng Pag-ibig sa araw ng Pasko.

WHAT CHRISTMAS IS ABOUT:

CELEBRATION of LIGHT: Kinikilala ng buong mundo ang pagdiriwang ng mga Kristiyano ng Pasko at kasabay pagdiriwang na ito ay ang pagpapakita sa ilaw ni Kristo ng mga Kristiyano sa pamamagitan ng mabubuting gawa.

LOVE: Mahirap mag-celebrate ng Christmas nang hindi nauunawaan kung bakit nagdiriwang nito. Alalahaning ang Pasko ay higit sa lahat isang pagpapatunay sa dakilang Pag-ibig ng Diyos sa tao. Tungkol ito sa Kanyang bugtong anak na si Hesus na naging tao, nagdusa at namatay upang maging kabayaran sa ating mga kasalanan. Siya ang mesiyas at tagapagligtas, ang pag-ibig ng Diyos sa atin.

GIVING: Nag-iwan ng pag-asa, pagbibigayan at kagalakan ang unang araw ng Pasko. Kaya nga parang normal at natural na lamang na paraan ito ng pagpapahayag ng pag-ibig ng tao.

Marahil dahil sa nakasanayan na nating magbigay o mag-exchange gift tuwing Pasko kung kaya nawawala na ang tunay na pagkakaloob. Ito ang pagbibigay ng may pag-ibig sa puso tulad ng buong pusong pagkakaloob ng Diyos kay Hesus, ang kalinga at pagpapatawad Niya bilang patunay ng pag-ibig Niya para sa atin. Kilalanin natin si Hesus, ang regalo at Pag-ibig ng Diyos sa atin ngayong Pasko. Dahil ayon sa Biblia, “Ang hindi nakakakilala sa Diyos ay hindi marunong umibig sapagkat ang Diyos ay pag-ibig.” Kaya nga kung may Pag-ibig ng Diyos sa puso natin, hindi tayo maaring hindi magmahal. Napaka-palad ng mga Kristiyano sa panahon ng Pasko dahil nararanasan nila ang tunay na kahulugan sa pag-ibig na ito ng Diyos na bumaba noong unang Pasko, ang tunay na diwa ng kapaskuhan.

PAMANA with Pastor Cryz Colorado

Pinaka-buod ng Pasko ang Pag-ibig ng Diyos. Pag-ibig ang dahilan kung bakit ibinigay Niya ang kanyang bugtong na anak na si Hesus. Subalit hindi natin maihihiwalay ang Kanyang kapanganakan sa kanyang kamatayan. Isinilang si Hesus upang tubusin tayo sa ating pagkakasala sa pamamagitan ng kanyang kamatayan doon sa Krus. Sana, higit pa sa pagdiriwang, sa mga regalo, mga palamuti, masasarap na pagkain at kasiyahan ang ating pagdiriwang sa Pasko. Tanggapin natin si Hesus na Siyang pag-ibig na handog ng Diyos sa ating mga puso at gawin Siyang sentro ng ating pagdiriwang. Hayaang maghari ang pag-ibig ng Diyos sa ating mga puso at tahanan dahil ito ang tunay na diwa ng Pasko.

KAYANG-KAYA with Grace Tia (CHRISTMAS ACTIVITIES TIPS)

• Dumalo ng mga libreng Christmas presentation sa inyong lugar
• Mag-rent ng Christmas DVD at VCD
• Palnuhing magpunta ng sama-sama sa simbang gabi upang magpasalamat sa mga biyaya
• Sama-sama at pagtulong-tulungan din nating gumawa ng mga regalo
• Turuan ang mga anak na mag-share ngayon panahon ng pasko (Magbalot ng maliliit na regalo (pagkain, laruan, etc) at sama-sama ninyo itong ibigay bilang isang pamilya sa mga alam niyong nangangailangan nito.

PAYO NI DOC  with Dra. Lyn Hipolito (CONSTIPATION)

Salungat sa akala ng marami, ang constipation ay hindi kahirapan sa pagdumi kundi ang hindi pagdumi sa naka-gawian mo. Karaniwang dulot ito ng hindi pag-inom ng sapat na tubig o fluid, Stress at ang hindi pagpunta sa banyo kahit kailangan na. Ang pagkain ng mga pagkaing masyadong matataba, matatamis at maharina lalo na kung kulang ang intake ng mga pagkaing mayaman sa fiber at ang kakulangan ng exercise o ng galaw at pagpag ng katawan ay nagpapabagal din ng ating pagdumi. Ilan mga TIPS para maiwasan ito:

• Uminom ng maraming tubig
• Kumain ng mga pagkaing mayaman sa fiber (fruits, vegetables, oatmeal at popcorn)
• Mag-exercise o palagiang pagkilos.