• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

Isang Kulturang Pinoy ang magsama-sama ang buong pamilya sa panahon ng kapaskuhan. Re-union kung baga. Ngunit minsan sa likod ng masayang pagdiriwang na ito ay ang katotohanang sa loob nito ay isang wasak na relasyon. Kung kaya ang Pasko ay hindi lamang panahon ng pagsasama-sama kundi panahon rin ng pagpapatawad lalo na sa ilang mga pamilyang mayroong hidwaan bago pa man dumating ang kapaskuhan. Tandaan sana ang mga ito ngayong Pasko:

• Huwag hayaang hindi tayo mag-patawad dahil mabigat ito sa loob.
• Ginagamit ng kalaban ang sama ng loob para sirain ang sarili natin.
• Kapag hindi tayo marunong magpatawad hindi rin tayo patatawarin ng Diyos sa langit
• Kasalanan ang pagkakaroon ng unforgiving spirit na humahadlang sa mga biyaya ng Diyos.

Hindi natin maihihiwalay ang salitang pagpapatawad sa tuwing ginugunita natin ang araw ng Pasko. Patunay ang Unang Pasko sa Pag-ibig ng Diyos para sa atin dahil gumawa Siya ng unang hakbang para tayo ay magkaroon ng kapatawaran. Ang pag-ibig na ito ang naglapit muli sa atin sa Kanya. Kung wala ang tagapag-ligtas na si Hesus na naging kabayaran para sa lahat ng ating kasalan, wala rin tayong ipagdiriwang na Pasko. Sana ang mensaheng ito ng Pasko ang magtulak sa atin para lumapit at humingi ng kapatawaran sa mga taong ating nasaktan at ibigay sa mga nakasakit sa atin ang pagpapatawad na ito tulad ng pagpapatawad Niya sa atin ngunit kung walang Kristo sa puso natin mas mahirap magpatawad. Tandaang, mas makahulugan ang Pasko kung ipagdiriwang natin ito ng may kasiyahan at kapayapaan. Sana tunay na maging isang pagdiriwang ang Paskong darating hindi lamang dahil sa kasiyahang dulot nito matapos ang mahabang hidwaan muling magsasama-sama ang mga pusong nasaktan. Ito ang mensahe ng Pasko.

PAMANA with Pastor Cryz Colorado

Bakit nga ba pag panahon ng kapaskuhan ay tila madali ang magpatawad. Maging ang mga mortal na magka-away ay nagkakasundo dahil lamang sa diwa ng Pasko.  Kaya tuloy patuloy nating nasasambit “sana araw-araw Pasko”. Ang kapanganakan ni Hesus ang nagbigay daan upang ang tao ay muling manumbalik sa Diyos. Siya ay isinilang at namatay sa krus para sa ikapagpapatawad ng ating mga kasalanan. Ang napaka-gandang katotohan ay ang tao ang siyang nagkasala subalit ang Diyos ang gumawa ng paraan upang matubos tayo sa pagkakasala. Mga kaibigan noong isinilang si Hesus, dala niya ang kapatawaran sa lahat ng nagkasala sa kanya. Tunay nga na ang Pasko ay panahon ng pagpapatawad. Humingi tayo ng tawad sa ating Panginoon at tayo rin ay magpatawaran sa bawat isa.

KAYANG-KAYA  with Grace Tia (Special Bibingka Recipe)

PAYO NI DOC  with Dra. Lyn Hipolito (Sleepwalking)

• Huwag gisingin instead i-guide gently ang anak during sleepwalk baka magulat at matakot.
• I-lock ang mga bintana at pintuan sa room ng anak pati na ang buong bahay.
• Huwag hayaang matulog ang anak sa gilid ng higaan para maiwasang mahulog ito.
• Tanggalin ang kahit anong matutulis at babasagin bagay sa paligid ng anak niyo.
• Ilayo sa maaabot ng anak ang kahit anong delikadong bagay
• Alisin ang mga bagay na nakaharang sa kwarto o sa bahay para maiwasang madapa ito
• Komunsulta sa doktor kung palagian ang sleepwalk at madalas nasa delikadong sitwasyon.