• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

INTRO SPOT

HOST

Sa haligi ng tahanan ini-atang ang tungkulin na itaguyod ang pamilya at kung wala sila hindi mabubuo ang pamilya, kaya ang episode na ito ng RATED PG ay para sa napaka-halagang personalidad ng tahanan: papa, daddy, erpat, tatay ano pa man ang tawag sa inyo deserve nyo ang pagpapahalaga at parangal sa araw na ito ng Father’s Day.

SONG 1: KAYAMANAN KO ( Harana sa Hari)

HOST

Ito po ang Rated PG, mula sa gawain ng Church of the Nazarene.

DISCUSSION (with Ptr. Jun Suyat and Mr. Jay Mijares)

Tungkulin ng ama ng tahanan ang mabigyang pangalan o legalidad ang anak at kasama sa pangalang ito ay ang responsabilidad na mabigyan ng (1) disiplina ang anak, (2) direction ang tahanan at (3) mai-sentro ang pamilya sa Kristiyanong pamumuhay sa pamamagitan ng sariling ehemplo. At kasama sa responsabilidad na ito kasiyahang makitang matagumpay ang mga anak sa kanilang buhay at malaman na sa likod ng tagumpay na ito ay isang ama na walang pagod na nagtuturo sa kanila. Huwag sana nating baliwalian ang ating mga ama at pagiging ama.

PAMANA with Pastor Cryz Colorado (A Tribute to Fathers)

Larawan ng isang ulirang ama ang amang penguin ngunit higit pa dito ang ama ng ating tahanan. Naghihirap ng husto matiyak lamang na may pagkain sa hapagkainan, makapagtapos sa pag-aaral ang mga anak at masegurong ligtas ang bawat miyembro ng pamilya sa loob ng tahanan. Subalit mas higit na ulira ang mga ama na pinangungunahan ang pamilya na magsamba at maglingkod sa Diyos. Mga ama na nagmamahal sa asawa kagaya ng pagmamahal ni Kristo sa kanyang iglesia. At mga ama ng mga mga anak na natutong sumunod sa magulang at Diyos dahil sa buhay at pananampalataya ng kanilang mga ama. Mga tatay higit pa sa isang breadwinner, driver, carpentero ang papel natin dahil tayo rin ang mabuting pastor ng ating tahanan.

DISCUSSION (with Ptr. Jun Suyat and Mr. Jay Mijares)

Hindi maipagkakaila na dugo, luha at pawis ang puhunan ng mga ama ng tahanan maitaguyod lamang ang pamilya. Ngunit higit pa man sa kahit anong bagay na ating maibibigay sa kanila, sikapin nating mabigyan sila ng mabuting edukasyon at ma-ituro sa kanila ang ating paniniwala tungkol kay Hesus dahil siya lamang ang tiyak na gagabay sa kanila kahit wala na tayo. Si Kristo ang dapat magsilbing pundasyon at sentro ng isang pamilya. Sa pamamagitan lamang Niya magiging buo at masaya ito.

KAYANG-KAYA with Grace Tia (Fathers’ Day Gift Suggestions)

• Alamin ang hilig ng inyong ama at sikaping ibigay ito sa kanya.
• Gumawa ng mga personalized item (cup, sumbrero, T-Shirt, painting etc)
• Tawagan ang tatay kung nagtatrabaho ito sa abroad
• i-record ng buong pamilya (camera, audio)
• mag-compile ng mga picture ng pamilya
• Bigyan ng isang araw na mag-relax at magpa-pogi

PAYO NI DOC with Dra. Lyn Hipolito (BMI (Body Mass Index) Healthy Weight)

Isang paraan ng pangangalaga sa ating mga anak ang pangangakaga sa ating sarili. Mas magagawa natin ang ating responsabilidad sa ating pamilya kung malusog tayo, kaya heto ang mga TIPS para mapanatiling malusog ang ating katawan:

• Monitor your BMI
• Kumain ng kaunti kahit madalas
• Mag-set ng goal na bawasan ang timbang (exercise)

SONG 2: Aking Ama (Pillars)

HOST

Kung mayroon kayong nais iparating sa amin, huwag kayong mag-atubiling makipag-ugnayan sa amin. Sa Father' Day na ito, saludo po kami sa inyo mga tatay. Patuloy sana kayong magsilbing matibay at malakas na haligi ng tahanan. Tandaang may Diyos tayo na mas dakila sa lahat ng ama dito sa lupa�”ang ating Dios ama sa langit.

EXTRO