• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

Gasgas na nga ba ang salitang pangako sa marami sa atin? Sa dami naman kasing mga pangakong napako hindi maiiwasang negatibo ang pagtingin natin sa salitang ito. Well, kung totoo man ito, hindi sa ating Diyos dahil kapag sinabi Niya tiyak na gagawin Niya. Tanging sa Diyos lamang natin mapapatunayan ang katotohanan ng mga pangako. Kaya nga sa pagsasagawa natin ng mga bagong simula at mga pagbabagong nais marating, tuklasin ang mga pangakong ibinigay ng Dios para sa pamilya at kasama ang Kanyang paggabay ay panghawakan natin ang mga pangakong ito.

Mga pangako ng Dios sa ating mga pamilya hango sa Biblia:

• Kaligtasan ng buong pamilya (physical at spiritual). Acts 16:31
• Mamumuhay ng matagal kung io-honor ng mga anak ang mga magulang. Ephesians 6:1-3
• Pagpapatawad ng Diyos para sa mga marunong magpatawad. Ephesians 4:31-32
• Biyaya para sa mga nagtitiwala sa Diyos. Psalm 128:1-4
• Paglakad ng matuwid dahil sa pagkatakot sa Diyos. Proverbs 13:21, Philippians 4:19
• Pagpapalaki ng maayos sa ating mga anak na kaloob ng Diyos. Psalm 127:3

Sana po maging gabay natin at panghawakan ang mga Salita ng Dios sa buong taong ito dahil kung ang pangako ng tao ay madalas napapako, ibahin po natin ang pangako ng Dios. At kung babasahin ang buong aklat ng Biblia makikita dito ang napaka-gandang design ng Diyos para sa pamilya at kung mananalig tayo sa Kanya tiyak na maganda ang kahihinatnan nito tulad ng mga tauhang nabanggit sa Herews 11:1-13 na dahil sa pananalig natupad sa kanila ang mga pangako ng Diyos. Tunghayan ang banal na kasulatan, basahin ito at panghawakan ang mga pangakong nakasaad dito ng may pananalig at pagsunod dahil matapos man ang lahat, mananatili pa rin ang Kanyang Salita.

PAMANA with Pastor Cryz Colorado

Nakapaloob sa Proverbs 3:5-6 ang pangako ng Diyos na kanyang aalisin ang anumang balakid sa ating landasin tungo sa hinahangad nating marating. At nakapa-loob din dito kung paano natin makakamtam ang pangako na ito ng Diyos. (1) Buong pusong pagtitiwala sa Kanya (2) Huwag kang manangan sa sarili mong karunungan at kakayahan (3) sangguniin ang Diyos sa lahat ng iyong balak. Dahil sino nga ba ang nakakaalam sa kung ano ang mangyayari bukas kundi ang Diyos lamang na may alam kung ano ang mangyayari sa hinaharap. Magtiwala at maging tapat sa kanya at makatitiyak tayong sasaatin sa taong ito ang pangako ng pagpapala. Dahil ang totoo, wala tayong magagawa kung hindi tayo tutulungan ng Diyos. Kaya sikapin natin na hanapin ang kanyang kalooban upang ating tamuhin ang pangako Niyang ito. At mas mainam kung sama-sama ang buong pamilya sa pagbuo ng mga plano para sa Bagong Taon. Dahil kung sama-sama sa pagpaplano, pananalangin at paggawa tiyak na magiging maayos ang takbo ng ating tahanan.

KAYANG-KAYA  with Grace Tia (Saving for the Future)

• Magtabi ng portion sa buwanang kita
• Magbayad ng utang sa lalong madaling panahon at iwasan ang mga credit cards

PAYO NI DOC  with Dra. Lyn Hipolito (STRESS)

Ang stress o sobrang tension ng katawan ay dulot ng sobrang pagtatrabaho at pagod. Hindi mabuting maranasan ito araw-araw dahil pinahihina nito ang ating resistensiya tuloy mas madali tayong kakapitan ng sakit. Para maiwasan ang sobrang STRESS:

• Iwanan sandali ang ginagawa kung sobra na ang tension at lumanghap ng sariwang hangin
• Maging mahinahon sa paglalakad, paggawa at sa pagkain
• Mag-exercise kung nakakaramdam ng pananakit at paninigas ng kalaman.
• Magkaroon ng isang taong mapagkakatiwalaan at mahihingahan ng problema sama ng loob.