• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

Nakakagulantang para sa isang magulang na malamang nagdadalang tao ang teenager na anak. Problemang guguho sa mga pangarap nila maging ng kanilang anak. Subalit dapat maunawaan na sa ganitong kalagayan ang buhay ng ina at ng sanggol ay higit pa sa kahit anong pangarap na naguho. Ayon sa pag-aaral, ang mga sanggol na isinilang ng isang teenager na karaniwang nasa 16-19 taong gulang ay maaring makaranas ng mga serious health risks at ganun din siyempre para sa ina dahil pre-mature pa ito para mag-buntis. Tuloy, hindi lang ito isang problema ng tahanan kundi isang problemang pangkalusugan ng bansa. At ilan sa mga maaaring maranasang health risks ng ina ay ang:

• Pagkakaroon ng Cervical cancer after ten or late ten years nila. Mentally unprepared dahil sa maagang pag-ako ng responsabilidad bilang magulang.
• Nasirang kinabukasan dahil kailangang tumigil sa pag-aaral para mag-alaga ng anak.
• DEATH dahil kalimitang unwanted kaya abortion ang madalas na solusyon na maaring magdulot sa ina ng heavy bleeding at hemorrhage.

At dahil kadalasan unwanted ang mga sanggol na ito maraming ginagawa ang ina habang nagbubuntis na naglalagay sa kanila sa maraming mga health risks din. At ilang mga healthrisks para sa BABY ay ang:

• Premature na pagsilang dahil sa hindi pagkain ng maayos ng ina habang nagbubuntis. At dahil sa premature ito, maaring hindi normal ang pag-function ng mga organs ng sanggol.
• Abnormalities tulad na hindi maayos na mental health o mental retardation dahil sa kagustuhan ng ina na i-abort ang bata sa pamamagitang ng pag-bugbog, medisina, pag-inom at hindi pagkain ng maayos.

PAMANA with Pastor Cryz Colorado

Walang magulang ang matutuwa na sa kabila ng pagsisikap para mabigyan ang anak ng mabuting buhay ay isang araw uuwi at sasabihing buntis siya. At kadalasang nangyayari ay ang pagtakwil sa kanila sa loob ng ating tahahan. Mga magulang, maging matimbang sana ang ating hangarin na matuwid ang pagkakamali kaysa pabayaan sila dahil sa nabigyan nila ng dungis ang ating pangalan at karangalan. Tandaang, ang higit nilang kailangan ay ang pag-unawa at pagpapatawad niyo bilang magulang at kapamilya. Hindi man ito madaling tanggapin ng buong pamilya ngunit mas magiging magaan ito kung ang magulang mismo ang gagawa ng paraan upang manumbalik ang nagkasala sa tamang landasin. Katumbas sana ng hangarin nating disiplinahin ang ating anak ay ang hangaring iligtas sila panahong sila ay nagkasala.

KAYANG-KAYA with Grace Tia Allowance

• Ibigay ang allowance sa denominasyon na mahihikayat silang mag-ipon
• Pagbuksan sila ng savings account at turuan sila kung paano mag-deposito.
• Turuan sila kung paano mag-withdraw at huwag silang pagbawalan
• Turuan silang magkaroon ng maayos na record kung paano ginagamit ang pera nila Pamamalengke (pagpili ng produkto, at pagbubudget
• Hayaan silang gumawa ng desisyon pagdating sa paggamit ng pera

PAYO NI DOC with Dra. Lyn Hipolito (Caring for Pregnant Women)

• Magpatingin sa isang obigyne
• Alamin ang mga pagbabago sa katawan (tiyan, breast, skin
• Iwasan ang alak, sigarilyo at drugs habang nagbubunti
• Huwag mag-diet sa halip kumain ng sapat at masusustansiyang pagkain.