• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

DISCUSSION with Rev. Dan Balayo-Nazarene Compassionate Ministries Asia-Pacific Child Development Coordinator.

Hindi na maikakaila ang katotohanang may mga pang-aabusong sexual at INCEST na nangyayari sa loob mismo ng tahanan. At ang mas nakakalungkot, mismong mga taong may otoridad sa pamilya tulad ng magulang na lalaki ang kalimitang nasasangkot sa ganitong immoralidad. Dahil dito, kailangang may mamagitan at maglakas loob na makialam! Kabilang ka man o hindi ng pamilya may magagawa ka para maging bahagi ng solusyon sa problemang ito at mapalaya ang mga biktima ng ganitong pang-aabuso.

MGA sangay ng Gobyerno at NGO’s na maaring lapitan:

• Gobyerno: DSWD, Social Welfare office ng mga cities, ahensiya ng mga baranggay.
• NGO: Bahay Kanlungan, Salvation Army at ilan pang piniling itinago ang pangalan para sa proteksyon ng mga batang inabuso ay maari ding lapitan. Ang Internatinal Justice Mission (IJM) ay isang NGO din na binu-buo ng mga lawyers na handang tumulong lalo na sa pag-rescue ng mga batang ginawang sex slaves.
• Simbahan at mga counselling homes na miyembro ng Philippine Council of Evangelival Churches (PCEC) ay makakatulong din sa pangangailangang spiritwal ng biktma at para mai-chanel sila sa mga ahensiyang nabanggit.
  

PAANO maging kabahagi sa solusyon sa kasong INCEST at child sexual abuse:

• A-Awareness (alamin ang isyu: signs ng isang abused na bata at ang karapatan niya)
  
• P-Prayer (Humingi ng wisdom at guidance sa Panginoon: reaction natin at resources)
  
• E-Encouragement (pag-usapan at sabay-sabay na alamin sa tahanan at lipunan)

Bilang indibidual, maging bahagi tayo sa solusyon sa halip na dahilan ng problema. Linisin natin ang ating tahanan mula sa anumang bagay na maaring maka-impluwensiya sa ganitong mga kaso (pornograpiya, alak, drugs). Tandaang, hindi lamang ito family issue kundi isang social issue kaya bilang kasama ng lipunan may responsabilidad tayong makibahagi sa solusyon dahil hindi lang ito para sa mga batang biktima kundi para na rin sa ating mga anak.

PAMANA with Pastor Cryz Colorado (INCEST (Part 3))

Para sa isang biktima na INCEST, aminin nating mas madaling sabihin kaysa sa gawin. Pero kahit ano pa man ang nangyari, hindi mai-aalis ang katotohanan na kailangang magkaroon ng bagong panimula para sa kanila. Totoong mahirap ang pumili sa kung dapat bang isakdal ang salarin o panatilihing lihim ang pangyayari. Mas lalong mahirap kung kasama sa bahay ang nangbikitma at bukas sa posibilidad na maulit muli dahil sa nakikitang kawalan ng kakayanan ng biktima na ipagtanggol ang sarili. Huwag mo sanang piliin na manatiling isang biktima. Kailangan mong gumawa ng hakbang kung nais mong magsimulang muli. Kung hindi mo nais na i-sakdal ang salarin at mas piliing patawarin ito, hingin mo ang tulong ng Diyos para magkaroon ka ng ganap at bukal sa loob na pagpapatawad sa iyong puso at tulungan kang mapagtuunan ang mga bagay na maari pang dumating sa buhay mo. Nakasalalay lang sa kanya ang pag-asang maka-bangon ng tunay sa mapait na pangyayaring ito. Mas madali ang pagbangon sa pamamagitan ng tulong ng Diyos na nagbibigay ng kalakasan, paggabay at pag-asa.

KAYANG-KAYA with Grace Tia (Organizing Your Kitchen)

• Seguruhing naka-grupo ang mga laman ng cabinets (plates, saucer, bowl, etc) ganun din ang mga pagkaing magkakatulad (delata, noodles etc)
• Seguruhing magkakasama ang mga pangluto at malapit ito sa pinag-lulutu-an
• Gamitin ang dingding (hooks and wires) para sa mga gamit pang-luto
• Ayusin din ang mga laman ng refrigerator at iwasan mag-stuck na tira-tirang pagkain.

PAYO NI DOC with Dra. Lyn Hipolito (Impetigo)

• Seguruhing hindi makahawak sa taong may impetigo
• Iwasan na mag-hiraman ng gamit
• Maligo araw araw at gumamit ng antibacterial soap
• Maghugas ng kamay at panatilihing malinis ang mga kuko ng mga anak
• I-konsulta sa doktor kung mayroong kaso ng impetigo sa bahay