• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

Mas nakalalamang ang bilang ng mga mahihirap dito sa ating bansa kaya mas maraming pamilya ang naaapektuhan ang budget para sa mga gastusin sa bahay dahil dito. Tuloy hindi malaman ng mga magulang na nagtatrabaho paano kikitain ang gagamiting pangtustus para sa pamilya. Kumpara noon seguro, masasabing mas mahirap ang buhay ngayon. Sa sobrang mahal ng bilihin mas mahirap ang pugbu-budget lalo na kung maliit ang kinikita. Ayon kay Bruce Howard, hindi nasusukat sa dami ng pera ang financial success. Financially successful daw ang isang tao kung hindi nadodominahan ng mga problemang may kinalaman sa pera ang kanyang buhay. So, kahit mahirap tayo, pwede tayong maging successful financially.

Siyempre, katulad noon at ngayon, gagawin pa rin ng magulang ang lahat para lang matustusan ang pangangailangan ng pamilya, malaki man o maliit ang kita. At hindi maikakailang isang proseso ang pag-unlad ng isang tao o maging ng isang pamilya at kasabay sa prosesong ito ang maraming paghihirap. Sa pamamagitan ng ating pagka-matiisin at sakripisyo, teamwork ng boung pamilya, pagkakaroon ng sense of contentment at higit sa lahat sa tulong ng Diyos, malalampasan natin ang mga paghihirap na ito at makakamit ang ating mga pangarap. Huwag mawalan ng pag-asa, magtiwala sa Diyos dahil nandiyan Siya na handang tumulong sa atin.

PAMANA (with Pastor Cryz Colorado)

Malaki ba ang pamilya at maliit ang kita? Pangako ng Diyos sa Mathew 6:33 na kung ang siya ang magiging Diyos sa ating buhay at bahay tutugunan niya ang lahat ng ating pangangailangan. Ayon kay Hesus mas mahalaga tayo sa kahit anuman dito sa mundo. Tiyakin natin na ang Diyos ang siyang naghahari sa ating tahanan at seguradong pupunan Niya ang lahat ng ating pangangailangan.

KAYANG-KAYA (with Grace Tia)

Hindi imposibleng mag-ipon malaki man o maliit ang kinikita. Maliit man ay nagiging malaki kung naiipon ito. Kaya heto ang mga TIPS para makapag-ipon para sa pamilya:

• Alisin ang mga pangit na habit o gawi tulad ng paninigarilyo.
• Huwag maging padalos-dalos sa pagbili. Planuhin ang pagbili
• Matutong gumamit ng ATM.

PAYO NI DOC (Getting Enough Exercise)

Templo ng Banal na Espiritu ang ating katawan kaya dapat lang na ito ay palagiang nasa tamang kondisyon subalit marami sa atin ang naisasawalang bahala ang pagi-exercise lalo na sa mga magulang na pareho nagtatrabo. Kaya heto ang ilang mga exercise na maaring gawin ni nanay at ni tatay dahil wala sa edad ang pag-eehersisyo.

Mothers: makakabuti ang  paglilinis ng bahay na may kasamang pag-unat ng kamay, baywang, balikat at mga kasukasu-an, katulad ng pag-aagiw. Makakabuti rin maglakad-lakad para sa ating katawan.

Fathers: makakabuti ang pagsali sa ibat-ibang sport tulad na Badminton kasama ang ating pamilya.

Kasama sa lahat ng ito makakatulong din ang swimming para sa buong pamilya dhil pinapalakas nito ang ating mga baga. At ang PROPER Posture dahil nakakatulong ito upang magkaroon ng sapat na oxygen ang ating katawan.