• Actions:
• download this podcast,
• subscribe in iTunes,
• RSS feed,
• comments (1)

Program Notes or Transcript

INTRO SPOT

HOST

Maraming palabas sa media ngayon ang walang mabuting naidudulot sa ating mga anak. Mga magulang, ano nga ba ang posibleng maging epekto sa mga bata ng mga napapanood at naririnig nila? Hinahayaan ba natin na ang media ang tuluyang humubog sa pag-iisip ng mga anak natin? Bigyan pansin ang mga bagay na ito sa ating mga tahanan.

MUSIC 1:     SA PILING MO’Y GALAK (K De Asis)

HOST

Ito po ang Rated PG, ang programang sadyang ginawa para makatuwang ng mga magulang sa pagpapalaki ng kanilang mga anak hatid sa inyo ng Church of the Nazarene. 

DISCUSSION (with Mr. Raffy Santos)

Parang nasa giyera ang pagiging magulang- may defensive at offensive moods. Hindi lahat ng bagay na binibigay ng media ay tama. Katunayan hindi conducive ang media sa ating mga anak. Nandiyan ang maling pananamit, sex, crime at violence, witchcraft, exorcism at occultism. Huwag nating hayaan na hubugin sila ng TV at computer games kung saan hinahanda natin sila sa kadiliman at kasamaan. Instead ipakita sa ating mga anak ang liwanag. Bilang mga magulang, dapat ay pinipigilan natin kung ano ang binibigay ng media at ipinapakita sa kanila ang tamang pamumuhay sa pamamagitan ng ating halimbawa.

PAMANA with Pastor Cryz Colorado (Media and the Dark Side)

Naipapamulat ng media sa mga anak natin ang maraming maling kaisipan (sorcery, magic, witchcraft). Naitatanim sa kaisipan ng bata na ang gawa ng kadiliman ay nagiging tama kapag naisasapelikula. Tandaan, kung ano ang palaging nilang nakikita at naririnig, ito ang humuhubog sa kanilang mga isipan, kaya ang mali ay pwedeng maging tama.  Ang Bibliya ay nagtuturo na hindi mabuti ang mga gawaing ito. Responsabilidad natin bilang mga magulang na bantayan at salain ang mga bagay na pumapasok sa isipan ng ating mga anak.

SPOT

HOST  

Mahalagang ma-protektahan natin ang ating mga anak laban sa hindi mabuting impluwensya na maari nilang makuha sa media.

DISCUSSION (with Mr. Raffy Santos)

Responsabilidad nating mga magulang na bantayan ang lahat ng aspeto na buhay ng ating mga anak, kasama na dito ang kanilang mga pinapanood. Kung masisira ang kanilang buhay dahil sa naririnig, nababasa at nakikita nila hindi parin tayo naging matagumpay bilang mga magulang nila.

TIPS for Responsible Parenthood

• Magbigay ng positive alternatives (going to malls, getting into sports activity…etc)
• Magkaroon ng discernment
• Gawing sentro sa tahanan ang panalangin

Tandaan na ang pamilya ay kayamanan natin. Kailangan po natin ang Dios sa pagpapalaki sa ating anak at pagpapatakbo ng ating pamilya

HOST 

Malinaw na inihatid sa inyo ng Rated PG ang responsabilidad nating mga magulang sa pagpili at pag-check sa mga pinapanood ng ating mga anak. Maging mausisa tayo sa mga posibleng danger na dulot ng media.

PAYO NI DOC with Dra Lyn Hipolito (Getting Enough Sleep)

Mahalaga ang pagkakaroon natin ng sapat na pahinga sa bawat araw. Kung may malusog na kawatan mas magagampanan natin ng mabuti ang ating mga gawain. Kaya heto ang mga TIPS para magkaroon ng sapat na tulog:

• Iwasang magpakapagod ng sobra sa gabi.
• Iwasan ang mga pagkain at inumin na may caffeine katulad ng kape, tsaa at chocolate.
• Ipanalangin ang mga problema at huwag itong isipin ng husto

MUSIC 2:  

HOST  

Ito ang Rated PG hatid sa inyo ng Church of the Nazarene. God cares for families, ganon din po ang aming church. We care about you.

KAYANG-KAYA with Grace Tia (Using Credit Cards Wisely)

Baon sa utang dahil sa monthly bills? Hinay-hinay po tayo at maghigpit muna ng sinturon. Heto ang mga TIPS para maiwasang malubog sa utang dahil sa credit cards:

• Umiwas sa mga lugar na may sale.
• Kung pupunta ng mall iwanan ang card sa bahay
• Gumawa ng listahan sa anumang pinag-gamitan ng credit card

SPOT 

HOST  

Panahon, lakas, patience, open communication at higit sa lahat lubos na pananalangin ang kailangan natin para maituwid ang kaisipan ng ating mga anak upang hindi sila maapektuhan ng mga hindi magagandang influence mula sa media.  Tandaan na mas epektibo ang anumang disiplina na gagawin natin kung tayo mismo ang halimbawa nito.

EXTRO TAG