• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

Makalat na bahay ba ang problema mo? Baka naman kailangan na natin bigyang pansin ang pagiging organized sa ating mga tahanan. At para hindi sa inyo na lamang mga magulang nakasalalay ang bigat ng responsabilidad ng pagliligpit ng kalat sa bahay heto ang mga TIPS kung paano natin matuturuang maging organized ang ating mga anak.

HOW TO TEACH YOUR CHILDREN TO GET ORGANIZED

Bilang isang magulang nais nating lumaki ang ating mga anak na organized at maayos sa pamamahay pati na sa pangangatawan nila. Kaya nga napakahalagang maturuan sila sa mga bagay na ito habang lumalaki. At importante ang role ng pagtuturo ng mga magulang para lumaking masinop, maayos at organized ang anak.

• Provide container para sa kanila kung saan pwede nilang ilagay ang kanilang laruan.
• Learning by example: Maging halimbawa tayo ng pagiging organized bago natin ito maituro
• I-appreciate sila kung may ginawa silang magandang bagay.
• Bigyan sila ng time na sundin ang iniutos natin sa kanila na iligpit ang kanilang gamit.
• Hayaan silang gawin in diff. styles dahil may kanya-kanyang style o sistema ang ating mga anak

Ipamulat sa mga anak habang maaga ang kamalayan tungkol sa kaayusan upang dalhin nila ito sa kanilang paglaki at maging matagumpay sana sila sa tatahakin nilang career. Magsimula sana sa atin ang pagiging organized sa lahat ng bagay upang sa pamamagitan ng halimbawa ay mas epektibo nating maituro ang pagiging organized sa ating mga anak.

PAMANA with Pastor Cryz Colorado (Teaching Kids to Organize)

Toy, ballpen, uniform, bag ang ilan lamang sa mga bagay na madalas hanapin sa atin ng ating mga anak. Tuloy maraming oras ang nasasayang dahil sa kahahanap ng mga bagay. Maiiwasan natin ito kung maitututuro natin sa ating mga anak ang pagiging organized. Dahil ang isa sa mga susi ng maayos na pamumuhay at pamamahay ay nasa pagiging organized ng bawat isa sa tahanan. Tungkulin nating mga magulang na na ituro sa ating mga anak habang maaga ang kaalamang, may tamang lugar para sa bawat bagay. Ituro rin sa kanilang ang pagpapahalaga sa oras at sa mga mahahalagang petsa. Turuan din silang maging responsible sa pag-aayos ng kanilang sariling gamit at hindi umasa sa atin o sa iba. Gumamit ng bulletin board (pintuan ng ref o sa dingding) na magpapa-alala sa kanila sa mga bagay na dapat nilang gawin. Turuan din natin silang mag-kalendaryo ng kanilang mga gawain at gabayan natin sila hanggang makasanayan nila ang mga ito. At siyempre ang pinaka-mabisang paraan parin ng pagtuturo sa kanila ay ating sariling mabuting halimbawa.

KAYANG-KAYA  with Grace Tia (Clutter Control)

• Alamin ang mga lugar sa bahay na madalas kinikilusan ng inyong pamilya at maglagay ng dalawang kahon na may label itabi at itapon sa bawat lugar na ito.
• Kunin ang mga nakakalat na bagay at ilagay sa kahon na dapat paglagyan nito,
• Kung napupuno na ito, ayusin ang mga bagay sa kahon na dapat itabi
• Sa kahon ng mga dapat itapon tingnan kung may mga bagay na pwedeng ibigay sa iba

Mas Maganda kung ang buong pamilya ay gumagamit sa sistemang ito para mabawasan ang kalat sa mga lugar na palaging kinikilusan ng pamilya.

PAYO NI DOC with Dra. Lyn (HOUSEHOLD SAFETY TIPS)

• Itago sa hindi maabot ng mga bata ang posporo, kandila, at mga chemicals
• Iwasang maglagay ng mga electrical wires sa ilalim ng mga basahan o carpet
• Iwasang ma-overload ang mga electrical sockets.
• Seguruhing may mga cover ang mga electrical outlets para safe sa mga bata
• I-check ang mga gamit na meron ng mga sirang cordon at ayusin ito.
• Ilagay against the wall ang mga appliances na di-cordon para hindi nila ito mapaglaruan
• Huwag pabayaang magsaksak ng mga appliances ang mga bata
• I-unplug ang mga appliances kung hindi naman lang ito ginagamit.
• Iwasang uminom ng maiinit na inumin o sabaw habang kalong-kalong ang anak.
• Huwag kargahin ang anak habang nagluluto o palapitin sa kalan sa tuwing may nagluluto
• Laging ihanda ang mga first-aid kits sa bahay laman ang mga panlunas sa paso at sunog para sa mga bata.