• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

Unti-unti na nga bang nawawala ang sacredness at beauty ng sex bilang isa sa pinakamagandang pagpapakita ng commitment at pagmamahal sa pagitan ng mag-asawa matapos ang kasal? Sa patuloy na pagbaba ng pananaw sa sexualidad at kalinisan ng marami sa ating kabataan ngayon, nakakalungkot man isipin pero para bang pang-karaniwang pangyayari na lamang para sa isang kinse anyos na babae ang magdalang tao. Una sa lahat, mahalagang maunawaan natin bilang mga magulang na may mga dahilan kung bakit nangyayari ito. Una, peer-presure dahil sa influence ng barkada na nakaranas nito. Pangalawa, curiosity dulot ng Media tulad ng mga babasahin (pocketbook), TV, at Internet. At panghuli, kakulangan ng pag-ibig sa loob ng tahanan maging ng mga magulang. Kaya dapat lamang na mas maging intensyonal tayong mga magulang sa pakikitungo sa ating mga teenager na anak upang maiwasan ang malungkot na kalagayan na ito both para sa magulang maging sa anak. Mga magulang, malaki ang magagawa natin para ma-solusyunan ang problema ng TEENAGE PREGNANCY sa tahanan. Heto ang ilan sa ating magagawa:

• Mag-initiate ng open discussion tungkol sa issue (maging maingat at creative).
• I-monitor at seguruhing tama ang kanilang binabasa at pinapanood.
• Ituro ng tama ang idea ng “dating” tulad ng “group dating” with friends and family.
• I-build ang self-esteem ng inyong mga anak.
• Seguruhing strong ang kanilang spiritual values.
• Ituro sa kanila ang tamang “sex education” (behavior, activities at RISKS).
• Buksan ang tahanan para sa mga kaibigan ng iyong anak, kilalanin at gabayan sila.
• Sikaping magkaroon ng strong love relationship sa loob ng tahanan.

Tandaang, hindi birong stage ang pagiging teenager para sa ating mga anak. Ito pa lang ang simula ng kanilang pagsibol. Sa panahong ito, higit nilang kailangan ang paggabay natin upang mabalanse nila kung alin ang dapat at ang hindi. Sana maging gabay nila tayo sa pagkakaroon ng mga wise choices sa buhay na maaari nilang pakinabangan pagdating ng panahon at hindi pagsisihan.

PAMANA with Pastor Cryz Colorado (Teenage Pregnancy (Part 2)

Walang magulang ang nais malagay sa ganitong sitwasyon, subalit mahalagang maunawaan pa rin lalo na sa mga magulang at maging kapamilya ng isang teenager na nabuntis na hindi sapat na sila ay patawarin at tanggapin lamang. Dahil sa dami ng mga pagbabagong mararanasan, kasama na dito ang guilt feeling, panghihinayang at takot higit nilang kailangan ang moral support mula sa atin. Dahil ang totoo, mas madali para sa kanila na makaahon kung makikita nila sa atin ang ganap na pang-unawa, paggabay at pagmamahal bilang magulang at kapamilya. Paano?

Tulungan silang manumbalik sa pagtitiwala sa Diyos at ang kanilang sense of self-worth upang maging mas matatag sila sa pagharap ng kanilang buhay.
Ibigay ang tamang paggabay patungkol sa kanilang nalalalapit na pagiging magulang. Ipa-unawa na hindi doon natatapos ang kanilang mga pangarap at maari pa silang bumangon at magbagong buhay.

KAYANG-KAYA with Grace Tia (SMART SHOPPING TIPS)

• Isipin ng mabuti bago bumili (kailangan ba ito at pasok ba ito sa budget)
• Magtanong-tanong bago bumili lalo na doon sa mga nakabili dito para malaman ang benefits nito, mas mababa ang presyo kaysa sa iba.
• Mag-CANVASS sa presyo sa produkto sa iba’t ibang tandahan.
• Maging mapili at maingat.

PAYO NI DOC with Dra. Lyn Hipolito (Kids at Exercise)

Bigyan ang anak ng sapat na exercise at healthy balanced diet para mas maaga nilang maiiwasan ang pagiging over weight, risk ng diabetes, highbloood at mataas na cholesterol level. At kung malusog sila mas capable din silang i-handle ang mga physical at emotional challenges nila. Higit sa lahat, matutulungan natin silang magkaroon sila ng healthy habit sa kanilang paglaki.

• Endurance: running, jogging, walking at maging sa kanilang paglalaro.
• Strength: pag-akyat (monkey bar), bunong braso, wrestling, push up, sit up at pull up.
• Flexibility: pagtali ng sintas at iba pang stretching activity (pag-abot ng mga bagay)
  

Tandaang mas madaling ituro ito sa kanila kung tayo ang mismong modelo ng isang malusog na pamumuhay.