• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

INTRO SPOT

HOST

Sinasabing hindi buo ang pamilya kung wala ang dalawang magulang dito, ang ilaw at haligi ng tahanan. Ngunit posible bang magkaroon ng kasiyahan kung wala ang isa sa dalawang ito? May pag-asa bang naghihintay sa kanila na biktima lamang ng ilang mga pagkakataon kung kaya sila ngayon ay nag-iisang nagtataguyod ng kanilang pamilya?

SONG 1: KASAMA, KASAMA MO (Richard Reynoso)

HOST

Ito ang Rated PG isang gawain mula sa Church of the Nazarene.

DISCUSSION (with Ptr. Jun Suyat and carol Benzonan)

Tahanang matatawag ang isang bahay na masaya, may pag-ibig at may pagkakaisa. At madalas mas tahanan kung tawagin ang isang single parent-home kaysa sa tahanang naroon pareho ang mga magulang. Ito ay dahil sa ang pagkabuo ng pamilya ay naka-depende kung sentro ang Diyos sa isang tahanan. Single man o hindi, tandaang Siya lamang ang may kayang tumugon sa lahat ng ating pangangailangan at may kakayanang buuin ang ating mga tahanan. Kaibigan, handa Siyang tumulong sa iyo.

KAYANG-KAYA with Grace Tia (TIME MANAGEMENT)

Katulad ng pera, mahalagang matipid at balanse rin ang paggamit ng ating oras at kailangan ng determinasyon at kontrol sa sarili para maging matagumpay dito.

• Magkaroon ng kontrol sa buhay (alamin ang schedules at activities mo)
• Planuhin at magbawas ng sobrang activities
• Magkaroon ng routine
• Pag-aralan na mag-double duty sa mga bagay
• Turuan ang ating mga anak na tumulong sa mga gawaing bahay.

DISCUSSION (with Ptr. Jun Suyat and carol Benzonan)

Kung tama ang ating pagtanggap ng responsabilidad at nauunawaang may Diyos na kayang buuhing muli ang pamilya tiyak na hindi negative ang epekto ng pagiging single parent para sa atin at mga anak natin. Ilan sa mga advantages nito ay ang (1) maagang pag-mature ng bata; (2) mas responsable ang bata; (3) Mas confident at self-reliant ang magulang; (4) mas nagkakaroon ng stronger at closer relationship sa pagitan ng parent at anak; at (5) hindi nagiging gender-specific ang bata at mas flexible ito.

SPOT /JINGLE Rated PG

PAYO NI DOC with Dra. Lyn Hipolito (Tonsillectomy)

Taliwas sa paniniwala ng karamihan ang tonsil ay ang magkabilang sides sa bunganga natin at hindi ang nakabitin sa gitna nito. Tonsillectomy naman ang tawag sa operasyon na sinasagawa sa paulit -ulit na kondisyon ng tonsillitis, throat infection, sore throat at sa masyadong pamamaga ng tonsils. Minor surgery ang tonsillectomy kaya hindi dapat ika-takot ng magulang. Wala ring dapat ikatakot sa pagdating ng panahon para sa mga taong nag-undergo na nito, kaya para ligtas sa anumang karamdaman maging maingat sa ating katawan at segurado sa ating kalusugan.

PAMANA with Pastor Cryz Colorado (Single Parenting 1)

Isa sa apat na bata ang tinataguyod ng single parent. Kahirapan emotionally para sa bata ang resulta sa pagkakaroon ng ganitong kondisyon. Ito ang dahilan kung bakit nagtuturo ang Bibliya ng kasagraduhan at biyaya ng kasal sa pag-aasawa, pagbibigay diin sa sexual purity at hindi pagtataguyod ng divorse. Ngunit tiyak na hindi pababayaan ng Diyos ang mga single parent na nagsusumikap na itaguyod ang mga anak. Tandaang, ang Diyos lamang ang tugon sa iyong kalagayan at pangangailangan.

SONG 2: MANANATILI KANG TAPAT

HOST

Hindi biro ang mag-isang gampanan ang responsabsilidad ng pagiging magulang. Ngunit hindi nakabase kung mag-isa ang pagkakaroon ng buong pamilya. Hayaang ang Diyos na may takda ng pagmamahal at pagkakaisa ang bumuo ng iyong tahanan.

EXTRO