• Actions:
• download this podcast,
• subscribe in iTunes,
• RSS feed,
• comments (0)

Program Notes or Transcript

INTRO SPOT

HOST

Tinaguriang isa sa mga pinaka-maimpluwensya ang telebisyon ngayon sa larangan ng media. Naapektuhan nito hindi lamang ang ating paningin kundi pati na rin ang ating pandinig at emosyon. Mga magulang, ano ang pinapanood ng ating mga anak sa telebisyon? Sana ay hindi Telebisyon ang nagsisilbing yaya sa kanila. Huwag hayaang Telebisyon ang mag-baby sit sa kanila at tuluyang mawala yung dapat sanang paggabay natin sa kanila.

SONG 1         BATANG-BATA KA PA (J Gibbs)

DISCUSSION (with Mr. Bong Gualberto)

May positibo at negatibong impluwensya ang telebisyon. Ilan sa mga advantages: nagi-inform, nag-e-entertain at ginagamit din itong mode of instruction sa mga paaralan. Pero, sabi nga, “Too much of everything is dangerous”, kaya ang hindi tama o sobrang paggamit ng telebisyon ay wala ring magandang maidudulot. Mapapanood sa telebisyon ang sari-saring basura tulad ng violence, romance at mga love story na sobra para sa mga bata. Tinaguriang CHEAP Baby Sitter ang telebisyon sa dahilang madalas itong ipinapapamalit ng mga magulang sa pag-aalaga sa kanilang mga anak. Hindi masama ang manood ng TV basta masiguro natin na tama ang kanilang pinapanood at hanggang kailan sila manonood.

PAMANA with Pastor Cryz Colorado (TV Babysitting)

Madalas nating makita ang paalalang ito: “some scenes are not suitable for young audiences. Parental Guidance is advised”. Mga magulang, pinapakita lamang nito na hindi lahat ng napapanood sa TV ay nakakatulong sa mga murang isipan ng mga anak natin. Pero marami pa rin sa atin ang hinahayaang maging yaya o tagapag-alaga ng ating mga anak ang TV. Utos ng Bibliya na maging laman ng ating mga isip ang mga bagay na magaganda, kapuri-puri, totoo, marangal, matuwid, malinis, kaibig-ibig at kagalang-galang. Ito ba ang mga bagay na pumapasok sa ating mga anak kapag sila ay nanonood ng TV? Huwag sana nating ipagkatiwala sa TV ang paghubog sa kaisipan ng ating mga anak. Samahan natin sila sa panonood ng TV, ipaliwanag natin ang mga bagay na hindi nila maintindihan at ipaliwanang kung bakit hindi nila dapat panoorin ang mga palabas na ito.

HOST

Ito ang Rated PG, isang gawain mula sa Church of the Nazarene.

DISCUSSION (with Mr. Bong Gualberto)

ROLE of Parents sa pag-resolve ng problema sa TV Baby-sitting

• Pagsubaybay sa mga pinapanood ng mga bata
• Pagpili sa mga panonoorin (mahalagang makabuluhan ang mga ito)
• Pag-usapan (makinig sa mga bata tungkol sa lessons at kanilang pagkakaunawa, magbigay ng mga advise at suggestions)
• Set a good example.
• Magkaroon ng Guidelines: Anong klase, kailan at hanggang kailan silang manonood
• Ituro ang tamang TV viewing habits habang bata pa sila.
• Mag-bigay ng mga alternative fun and entertainment.

KAYANG-KAYA with Grace Tia (Leftovers)

Mga TIPS kung paano natin maiiwasang magtapon at magsayang ng pagkain:

• KANIN: (sinangag o fried rice na may dagdag na mga tirang ulam at gulay para maging masarap at espesyal, ampao o puffed rice)
• Pritong Isda: (sarsiado, escabeche, isahog sa ginataan o ginisang gulay)
• Karne: (panghalo sa gulay para gawing vegetable soup o ihalo sa fried rice)
• Gulay: (dagdagan ng noodles para maging pansit)

Mas mahalaga ang kalusugan ng ating pamilya kaya siguruhing malinis ang inihahain natin sa kanila. Tandaan, ang lahat na ating natatanggap ay biyaya ng Diyos kaya pasalamatan at pahalagahan ito.

SPOT / JINGLE

SONG 2         MIRACLE (Henry Santos)

HOST

PAYO NI DOC with Dra. Lyn Hipolito (Head Lice)

Paano ba maso-solusyunan ang pangangati ng ulo ng ating mga anak.

• Gumamit ng medicated shampoo, cream o lotion (over the counter or may reseta)
• Iwasang makipag-contact tayo at ating mga anak head to head, wag mag-share ng gamit katulad ng suklay, sombrero, hair clips, head band, towels at iba pa,
• Huwag hihiga kung saan-saang beddings (unan)
• Gumamit ng suyod sa pagsusuklay tatlo hanggang apat na araw or two weeks.

Hindi sign ng poor hygiene ang pagkakaroon ng kuto, kahit sinong bata, mahirap man o mayaman ay maaring magkaroon nito. Kaya maging maingat upang hindi mahawaan nito.

HOST

Huwag nating hayaang maging baby-sitter ng ating mga anak ang telebisyon. Siguruhin nating tama ang kanilang pinapanood. Gabayan sila sa kanilang pinanonood at mahalaga din ang pagbigay ng limitation sa kanilang panonood. Ito po ay resppnsabilidad natin bilang mga magulang. Tandaan, marami pang paraan maliban sa pagharap sa TV ang maaari nating gawin para sa ating mga anak.

EXTRO TAG